Advertisement

كل مايخص الهجرة الى كندا مع الشرح التفصيلي بالدارجة مع المواقع الرسمية

الهجرة الى كندا
Advertisement

تريد الهجرة الى كندا بالطريقة الصحيحة مع جميع الروابط و المعلومات التي تخصك من اجل الهجرة مجموعة في هذا المقال المنقول من الحساب الشخصي للاستاذ kamal afia لا تنسوه بدعوة الخير في ضهر الغيب.

1- نظام Express Entry

كندا فيها أنظمة كثيرة للهجرة..كاين لي فيدرالي (يعني تابع للحكومة مباشرة)..وكاين لي تابع للمقاطعات (المقاطعات في كندا مثل الولايات في أمريكا..كل مقاطعة عندها حكومة ودستور وقوانين خاصة بها..وأيضا لها برامج هجرة خاصة بها)..
النظام لي غنهضر عليه ف هاذ الموضوع هو النظام الأشهر وهو الخاص بالحكومة الكندية..نظام Express Entry..بدا التطبيق ديالو عام 2015..والهدف منو هو تسريع دخول المهاجرين لكندا..يعني خلال شهور بدل ماكانت معقدة وكاتاخذ أعوام…بالطبع خاصك تكون مؤهل ومستوفي للشروط..

Advertisement

برامج الهجرة لأي دولة بصفة عامة معتمدة على شروط معينة خاصها تتوفر ف المتقدم للهجرة..وبتوفرها كيربح المتقدم على عدد من النقط..وبناء على هذه النقط كيتحدد إذا كان مقبول أو لا ..
وقبل ما ندخل ف التفاصيل نوضح واحد النقطة بزاف كيدوخوا فيها..وهي أنه في النظام الجديد للهجرة (برنامج العمالة الماهرة) كاين نظامين للنقط..واحد خاص بشروط القبول (يعني كيحدد إمكانية أنك ممكن تدفع للهجرة أو لا) والثاني كيحدد ترتيبك بين المتقدمين (يعني فرصك في القبول)…
بالنسبة لبرنامج العمالة الماهرة..نظام النقط الأولي باش تتقبل..خاصك تجيب 67 نقطة من 100 نقطة..قل من 67 ماتتقبلش….وأنك تجيب 67 نقطة ماشي معناها أنك تقبلتي وغتمشي لكندا…معناها هو أنك تقدر تدفع للهجرة…
هاذ ال 100 نقطة موزعة على 6 حوايج..
-اللغة
-التعليم
-الخبرة
-السن
-عرض عمل من كندا (إن وجد)
-العامل الأخير هو adaptability.. وهي الأشياء لي ممكن تساعدك على الإندماج في المجتمع الكندي وتعطيك نقط زائدة..بحد أقصى 10 نقط..مثلا يكون عندك واحد من العائلة في كندا..أو فايت قريتي ف كندا.
بالنسبة لبند اللغة..نشرحو بالتفصيل..
Advertisement

هاذ البند عليه 28 نقطة..موزعة بهذا الشكل..24 نقطة على اللغة الأولى..و4 نقاط على اللغة الثانية (اللغة الثانية اختيارية أساسا)….اللغة الأولى والثانية نتا لي كتحددهم..وطبعا نتا كتختار بين الإنجليزية والفرنسية لي هوما اللغتين الأساسيتين لكندا..معظم الناس كتختار الإنجليزية كلغة أولى وكيتمتاحنوا ف الأيلتس…ال 24 نقطة للغة الأولى مقسمين كالتالي..6 نقط لكل مهارة من المهارات (لي ماكايعرفش شنو هو امتحان الأيلتس..هو عبارة على 4 أجزاء كل جزء كيمتاحن مهارة من مهارات اللغة الأربعة..السماع..القراءة..الكتابة..التحدث) خاصك تجيب كحد أدنى 4 من 6 (لي هو CLB7) وبحد أقصى 6 (لي هي CLB9 أو أكثر) ..
بالنسبة ل 4 نقط ديال اللغة الثانية..فهي ماشي ضروووورية ولكن لا كانت عندك لغة ثانية لي غالبا كاتكون الفرنسية فراه مزيان..كتزيد ف النقط ديالك..سواء ف عوامل القبول أو عوامل الترتيب..
بالنسبة لامتحان اللغة الفرنسية..كاين امتحان وحيد معتمد في الهجرة الفيديرالية وهو امتحان TEF..وهذا موجود في المركز الثقافي الفرنسي لي عندنا ف المغرب..
غتلقى فيه تفاصيل أكثر على النقط لي تربحها من امتحانات اللغة سواء أيلتس أو TEF أو الامتحان الثالث لي هو CELPIP
بالنسبة لبند التعليم لي عليه 25 نقطة..لا كانت عندك الإجازة أو الليسونس كتاخذ 21 نقطة…عندك الماجستير كتاخذ 23 نقطة..عندك الدكتوراة كاتاخذ 25 نقطة كاملة..
ولكي تحصل على هذه النقط خاصك تقييم للشهادة Educational Credential Assessment..وهي عبارة عاى تقرير كتاخذو من إحدى الجهات في كندا كيقول أن شهادتك شنو كتعادل في التعليم الكندي..وبناء عليه كتاخذ النقط لبند التعليم..
أحسن مكان تدير التقييم لشهادتك هو WES ..
بالنسبة للأطباء والصيادلة كيديروا تقييم شهاداتهم من جهات خاصة ومعينة..
بالنسبة لبند الخبرة..غتحتاج لجواب خبرة من جهات العمل لي خدمتي فيها بمواصفات معينة (نخصص ليها موضوع خاص)
من غير هاذ الشروط..
خاصك تجيب 6 ف الأيلتس في كل الفروع..
وخاص تكون عندك مقدرة مالية..يعني يكون عندك مبلغ من المال كيسميوه proof of funds كضمان مالي أنك غتقدر تتكفل بنفسك وأسرتك في الشهور الأولى في كندا…لا كنتي ديال راسك خاص يكون عندك تقريبا 12 ألف دولار كندي..وكتزيد عليها 3 دولار لكل فرد من الأسرة تزاد عليك..يعني كنتي مزوج وعندك جوج أطفال خاص يكون عندك 22 ألف دولار تقريبا..
ف غتلقى رابط فيه جدول كيوضح المبلغ المطلوب منك بالضبط حسب افراد الأسرة..
وف غتلقاو رابط فيه الشروط كاملة..
Advertisement

لي خاصك تدير قبل ما تبدا أي خطوة هو كالتالي..
1- تحسب النقط لي غتربح من خلال السن..الخبرة..التعليم..وتشوف شحال..
2- تتأكد أنك غتجيب النقط المطلوبة..وأنك تقدر تجيب جواب الخبرة من جهات العمل..وأنك تقدر تدبر غلى مبلغ Proof of funds (غيبقى عندك ماغاتعطيه لحد)…تقدر تتسلف الفلوس تديرها في حسابك على ما تاخذ كشف الحساب من البنك وترجعها لمولاها..أو تتحمل مصاريف التقديم..
بعدما تسالي هاذ الخطوات كيبقى ليك أنك تقرا الإنجليزية مزيان وتدوز امتحان الأيلتس..
وأنك تدير تقييم لشهاداتك..
جاك هاذ الشي معقد وصعيب صديقي…..حتى حاجة ما ساهلة…وهاذي كندا وليست إسبانيا أو غيرها….
بعد ماتقوم بهاذ الخطوتين..دابا تقدر تدفع للهجرة من خلال أنك تصايب بروفيل على نظام الإكسبريس أنتري..وهو نظام الكتروني..غتحتاج فقط يكون معاك تقرير ECA ديال تقييم الشهادات..وشهادة الأيلتس..غتدخل أرقامهم وتدخل بياناتك كاملة على النظام..ومبروك عليك البروفيل…بعد ماتسالي غتكون وليتي ضمن Express entry pool..يعني وليتي معا المتقدمين لي غيتم الإختيار بيناتهم..
كيف يتم الإختيار..
من خلال ترتيب جميع المتقدمين عن طريق نظام تقييم آخر CRS..كل أسبوعين تقريبا كيديروا سحب يختاروا فبه أحسن متقدمين بناء على نقطهم….وكيرسلوا ليهم ما يسمى Invitation to apply..
بالتوفيق للجميع…
الموضوع التالي غيكون على الحصول على ترشيح من مقاطعة من مقاطعات كندا…وهو أسهل في الخطوات والشروط من نظام إكسبريس أنتري…

2- كيف تحصل على ترشيح مقاطعة كندية..

برامج الهجرة للمقاطعات كثيرة جدا وشروطها مختلفة..ومواعيد فتحها والتقديم لها أيضا مختلف…
عندك حل واحد هو تتابع مواقع الهجرة للمقاطعات بشكل منتظم..وكيف تلقى برنامج هجرة تطلق والشروط منطبقة عليك دفع ليهم…

Advertisement

غتلقى فيه أسماء كل مقاطعات كندا..كتب إسم المقاطعة ف جوجل وكتب حداه كلمة immigration وغيعطيك الموقع الرسمي للهجرة للمقاطعة…
نتكلموا على المصاريف..
المصاريف لي تقدر تخسرها في الهجرة سواء الفيديرالية أو ديال المقاطعات..
1- مصاريف امتحان الأيلتس..مع العلم ممكن تحتاج ندخل لامتحان الأيلتس أكثر من مرة باش توصل للدرجة لي بغيتي..
2- مصاريف تقييم الشهادة..حوالي 300 دولار كندي…الأطباء والصيادلة شوية طالعة..تقريبا حوالي 550 دولار..من غير مصاريف إرسال الشهادات بالبريد السريع..
ف حالة تقبلتي ف Draw خاصك تدفع مستنداتك كاملة..ديالك وديال أفراد الأسرة (شهادات الميلاد..قسيمة الزواج..البطاقات الشخصية..جوازات السفر..الشهادات الدراسية..إلخ) مع ملاحظة أن أي مستند ماشي بالإنجليزية أو الفرنسية غتحتاج ترجمو….وتدفع مصاريف معالجة الملف ومصاريف إصدار الفيزا…
عندك..
-مصاريف إصدار الشهادات المختلفة.. (عقود الازدياد..عقد الزواج..وغيره)
-مصاريف الترجمة
Advertisement

-مصاريف معالجة الملف..كتدفع 550 دولار كندي منين كتوصلك invitation to apply..ومثلهم للزوجة..و150 دولار لكل طفل..
-مصاريف إصدار الفيزا…تقريبا 490 دولار كندي لكل فرد بالغ..
موضوع الهجرة ممكن يبان ليك صعيب وطويل ومكلف ومحتاج صبر ونفس طويل…ولكن لو كنتي مقتنع بالهجرة من بلاد الله (المغرب) حيث الهجرة منها واجبة..إلى بلاد الله (كندا) حيث الهجرة إليها واجبة…وكنتي صبور راك غتوصل ليها..
ثاني حاجة لي كنسطر عليها بخط أحمر..لا أنصحك صديقي وأكرر..لا أنصحك صديقي بالإستعانة بمكاتب الهجرة أو المحامين…لسببين..الأول أغلبهم نصابة وشفارة..وماكايهمهم غير يحلبوك…الثاني..أن كل المعلومات متوفرة على النت.

الهجرة لكندا

أولا التأكد من أنه كتوفر فيك الشروط المطلوبة للهجرة وهي في الرابط التالي
ثانيا التحضير للتقديم للهجرة:
1- تصديق المؤهل من إحدى جهات التصديق
2- اختبار الأيلتس بمعدل 6 على الأقل (كندا كتقبل غير IELTS General أو CELPIP-General)
ثالثا التقديم للهجرة
1- الإجابة على الأسئلة في come to Canada
وإذا كنت eligible فقم بنسخ الكود الذي سيتم إعطاءه لك في آخر صفحة.
2- الدخول على الموقع الرسمي و عمل حساب جديد
3- إنشاء طلب
Express Entry profile
متابعة نتائج السحب الذي تجريه CIC كل أسبوعين على الرابط التالي
لحساب النقاط حسب CRS.

كل الروابط التي ستحتاجها هنا

الرابط التأكد من أنه كتوفر فيك الشروط المطلوبة للهجرة

تصديق المؤهل من إحدى جهات التصديق في الرابط التالي

اختبار الأيلتس بمعدل 6 على الأقل (كندا كتقبل غير IELTS General أو CELPIP-General)

الإجابة على الأسئلة في come to Canada وإذا كنت eligible فقم بنسخ الكود الذي سيتم إعطاءه لك في آخر صفحة.

الدخول على الموقع الرسمي و عمل حساب جديد

متابعة نتائج السحب الذي تجريه CIC كل أسبوعين على الرابط التالي

لحساب النقاط حسب CRS

قائمة الوظائف


Advertisement

[Sassy_Social_Share]

تقييم المقالة

اترك تعليقا

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

الوظيفة